هلوييييييييييييييييييييييييييييييييييييييين اخباركم؟؟ انشالله بخير:p
>>هذا مسج وصلني ختيييييييييييييييييييييييييييييييييييييييير حفظته من كثر مااقراه
انشالله يعجبكم:p
(( .. حديث الصمت .. ))
أحب الصمت وجنونه ..
وصمت الصمت وسكونه ..
وهذي فلسفة حبي .. وذا قلبي
أخاف اشكي .. أسبب جرح
أخاف أشكي .. أكدر فرح
أخاف اشرح .. ولا أوفي
ويضيع الحب .. ويضيع الشرح
حرفي قاصره جدآ
وأنا قاصر بفن الطرح والإلقاء
أجر المبتدأ ..
وانصب وأضم الياء
أنا خريج كلية أصول الحب
أعرف الجرح من نظره ..
وأعرف الطب
ولكن علتي التعبير
أحس اني صغير بالتعبير ..
والتفسير .. والتصوير .. والتخدير
وأحس ان الحروف أقزام ..
أمام الشوق والإلهام
وأشوف ان الكلام يضيع ..
مثل ذره بكون وسيع
إذا ماشفت محبوبي ..
بعد عمري .. بعد قلبي .. بعد شوفي
ترى في الصمت آلاف اللغات تعيش ..
وبوسط اللغات .. حروف
تطير بلا جناح ..
تغرد والنظر يسمع ..
تقول لين الفجر يطلع
بلا تمثيل .. وبلا تضليل
تترجم حالة الاحساس ..
بلا احساس
تغني أنت أعز الناس ..
وأحب الناس .. واغلى الناس
حديث الصمت ..
يازينة حديث الصمت
بيني وبينك ..
وبين فتوني وفتونك
يخلي نبض الولهان ..
يسافر في شرايينك
ويخلي قلبي الشفقان ..
بلا صوت يناديلك
حديث الصمت .. به تعلمت
انا وشلون أعد
مساحات العمر كله
وأسابق مستوى التفكير وأشله
وأفكفك لغزك المدفون وأحله
لجل حبك انا نجم غدا ساطع
وفي حبك ابتمرد على الواقع
ابكتب الف قاموس ..
يضم أول حروف اسمك
وبضع الف ناقوس ..
يدق لآخر حروف اسمك
ترى علمي وكل العلم ..
قطره من بحر علمك
# وترى عدلي وكل العدل ..
ثواني من زمن ظلمك #
أنا ما أقول أحبك ..
قديمة قولة أحبك ..
يتيمه قولة أحبك ..
عقيمه قولة أحبك ..
سخيفه مالها معنى ولا مضمون
سخيفه مثل شمعه ..
بشمس هالكون
تعديت الهوى والحب
أنا في مرحلة حب ..
تفوق الحب
تفوق الوصف والتوصيف ..
والتخريف
أنا حبي تعدى الحد ..
(( أنا جمرة .. بعز الصيف .. ماتت برد ))
<<مو يجنن
03-Nov-2007, 11:29 PM
مواضيع جديدة في قسم النثر والخواطر ونبض المشاعر 
العرض العادي
