فرابتشيـــنو..

[الفجر البعيد]

مسااااااء الخير لأحلى اعضاااء في العاااالم

جايه اليوووم وعندي لكم طريقه الموكا فرابتشينو


خذوا الطريقه




مقادير قهوه .... 10 ملاعق كبيره نيدو

5 ملاعق كبيرة نسكافيه أو حسب الرغبة

ظرفين دريم ويب



سكر حسب الرغبة





مكعبات ثلج تقريبا 30 مكعب كبير




................



مقادير الكريمة ..



كل ظرفين دريم ويب معاهم علبة قشطة ينخلطون لين تصير كريمه هشة
أو كريم شانتييه جاهز من السوبر ماركت





..................



الكراميل ..


علبة قشطة

كاسة سكر


نذّوب السكر ونخليه لين يصير لونها ذهبي وبعدين نطفي النار ونضيف القشطه ونحرك المزيج
بسرعه بمضرب البيض اليدوي لين ينخلطوون مع بعض



...............................


الطريقة ...

نضيف أول شي الحليب + الدريم ويب + شوية ماي فاتر في خلاط المولينكس ونخلطهم مع بعض وبعدها نضيف السكر وبعدها النسكافيه


بعدين نحط الخليط في جك ونجيب كوب ماي ونضيف فيه شوي من الخليط اللي سويناه ونضيف مكعبات الثلج على دفعات


لازم ينضاف على دفعات لأنه لو حطيتيه مره وحده ما بتتحرك سسكاكين الخلاط



كل شوي خذي كمية من الخليط وشوية ماي وضيفي الثلج واخلطيهم لين يصير الثلج مجروش



على المقادير اللي كتبتها هنا بيطلع الناتج تقريبا لتر وربع من الموكا






إلحين نجيب كاسات التقديم نحط كمية من الخليط اللي سويناه ثم نحط الكريمه في ظرف الكريمة ونستخدم القمع الكبير ونحط الكريمه فوق القهوة على شكل دوائر لين نسكر السطح بالكامل بالكريمه وبعدين باستخدام شوكة ناخذ شوي من الكراميل ونحرك الشوكه فوق الكريمه من بعيد كاننا نشخمط عليها وبكذا انتهينا ..







وترى تقدرون لو تحبون تضيفون شوية كاكاو أنا ما جربتها بس هم عندهم الموكا فرابتشينو بالكاكاو بعد





..........................




جربوها وإن عجبتكم إدعولي


ملطووووووووش

[&&قمر الرياض&&]

الله يعطيك العافية يالغالية ويحفظك ماقصرتي ، الله يوفقك ويجعل السعد دربك ، الله لا يحرمنا هالتواجد الراااائع .

دمــــــت بود ، تقبلي مروري

اختك
قمر الرياض

[الفجر البعيد]

ياقليبي مرورك الاروع
يسلموووو ع المرور يالغلآ

[الـــشـــهـــد]

	الفجر البعيد... الله يعطيك العافيه يا الغلا... لاخلا ولاعدم الــشـــهـــد