تـــعلم انجليــــزي مع وردة العشـــاق ولا راح تنـــدم ابداااا

[وردة العشاق]

كيف حالكم ..؟؟؟


انا جيتكم وبعلمكم بدون وجع راس يالله نبدأ :

افرض واحد ضربك على مدري وين بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,,
i = معنها = انا

هل تحب جبنة بوك= لاحظ بوك بس نوع فاخر +بوك= book = كتاب
هل تحب الكت كات= لاحظ كات بس نوع بناتي فاخر+كات=cat =قط >>> جعله يمشخكم
هل تحب شاي= لاحظ شاي = shy = خجول <<<<<< يعني تقدر تقول : i'm shy <<<<<<<<< انا خجول

وانتي واقفه تطالعين المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟
الجواب: فار مر
فار مر ,,,, معنها مزارع ,,,,, ; farmer <<<< مزارع


من مايعرف الرئيس الأرهابي ( بوش ) بوش -بوش = push = يدفع _يعني = يدف = وتلاحضونها على الأبواب

يعني تقدر تقول= ادفع الباب او دف الباب = push the door = بوش ذا دور

كلمه ثانيه: واحد يقولك: كيل تفاح تصير قوي_ كيل برتقال _كيل موز

لاحظ ( كيل ) .. هنا قلنا كيل عشان المخرج عاوز كدا .. كيل -كيل = تعني = يقتل او اقتل = kill
مثال = اقتلني = كيل مي = kill meاو= اقتله = كيل هيم= kill him

كلمه ثانيه:

واحد يطق الباب وش تقوله: اكيد تقول ( مين) مين مين مين
mean = مين = تعني = معنى = او قصد = كأنك تسئل وش معنى كلامك او وش قصدك
مثال: تسئل واحد وش قصدك ؟ what do you mean = وات دو يو مين
كلمه ثانيه:


وعلى فكره كلمة = com الي تشفونها في الرابط = تعني = شركه = وهي اختصار كلمة = company

تسمعون البزر يقول لامه : ماما يالله قوه البيت = قوه قوه = هيا بنا نذهب
المهم واضح معنها لكم :
go = قوه
يالله نروح= let is go = ليتس قوه



كف = فيه احد ما جاه كف على وجه ؟ انا بصراحه تصفقت لين دخت

كف= معنها = كحه . كف = cough تقدار تقول= i have cough = اي هاف كف = انا عندي كحه او سعال

مذر كير = من مافيه من البنوتات ماتعرف مذر كير = طبعا نوضحها للشباب = هذي ماركه تهتم بملابس الأطفال او اسم

محلات تهتم بملابس الأطفال تشفووونها دائما بالأسواق ( دعايه مجانيه ) يالله بسيطه ,المهم

مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين

مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر

كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو

انا اهتم = i care = اي كير

باور هورس = مشروب الطاقه المعروف موجود في السوبرماركت = لو تلاحظون عليه رسمة حصان

هورس = حصان = horse / باور= قوه =power

ركزوا معي في تركيب الجمله = انا عندي حصان = i have horse =

لاحظوا = i have = متكرره , i have = انا عندي
يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره

الرئيس الأمريكي السابق ( بيل كلينتون )

بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل
او تقول = بيل بليز = فاتوره لو سمحت = اهم شي تدبر عمرك

بلوتوث = واواواواو
bluetooth = معروفه مايبي لها طقة عصاة , بس اللي كثيرين مايعرفونه انه وش معنها ؟
بلوتوث تعني = الناب الأزرق = او لو حبيتوا نقول الضرس الأزرق ماشي
بلو= blue = ازرق
توث= tooth =الناب او الضرس




هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي

سيف = سيف معروف اذا بغيت ترقص في العرضه مع عبووووودي لازم تجيب معك سيف وتنتبه لاتخبطه ههههههه

سيف= save = يحفظ او يحمي او ينقذ = يعني تقدر تقول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر

فار = مخلوق نذل يصعب مسكه الى اذا جبت له قطو لأن ( القطو رجال غير ) ومايخاف اما نحن الرجال الله يخلف علينا والله ننحاش وتوصل انه ننقل من الحي كله ونترك له البيت ملعون الوالدين

فار= far = معنها = بعيد = تقدر تقول = انت بعيد مره = u are so far = يو ار سو ( فار) = so = تعني جدا ,مثل very
يعني تقدر تقول= u are very far =يو ار فيري فار = على كيفكم

ني = اللحم ني او الدجاج مو مستوي ني
ني= knee = معنها = ركبه

بس ماعليكم من حرف الكاف في بداية الكلمه ماينطق =k nee = تنطق = ني

كان = ( كان) ياما( كان) في قديم الزمان ههههههههههههه بغينا نقلبها حجاااوي

كان = CAN = يستطيع او يقدر = انا استطيع = I CAN

ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه


طيب وش رايكم فيني مدرسه زحف خخخخخخخ




تحياتي

[صمت الاثير]

خيتوووووووووووووووو تشكرين

[وردة العشاق]

تسلمــــــــــين

حبيبتي صمت الاثير

مرورك عالموضوع

ولاتحرمينا من طلتك

[امير الذوق]

ههههههههههه

اوووما طريقة شرح يا ورده >> خرافيه

ويسلموو ورده

وتشكرين عليها

[Sweet Suger]

ههههههههههههههههههههههههههههههههههههههههههههههههه


يآحبيــــــلك وووردهـ وقـسـم قـسـمـآت تهبـليــن



مجـهــوود رآآئــع واللـه مـآقـصـرتــي



يعطيـك الـعـآفيــه

[مشتاق]

ههههههههههه
درس رهيييب على الاخر ..

بس آفة العلم النسيان .. على ان الطريقه احسن من غيرها

يعني تقدر تتذكر

بس اسجل اعجابي فيها خخخ

عوافي

[مغرزه بكعبها]

اما

ما اتوقع اني بنسى الكلمات

الي تعلمتها هنا

هع هع

يسلمو خيتو ورده

اختكـ : غروزهـ

[وردة العشاق]

تسلمــــــــ

اخوي امير الذوق

مرورك عالموضوع

ولاتحرمنا من طلتك

[وردة العشاق]

تسلمــــــــــين

حبيبتي Sweet Suger

مرورك عالموضوع

ولاتحرمينا من طلتك

[وردة العشاق]

تسلمــــــــ

اخوي مشتاق

مرورك عالموضوع

ولاتحرمنا من طلتك