بعد ماغرق عمري بالحزن ضاعت بي البلدان

[صمت الاثير]

تذكرتك وانا الطير الجريح مفارق الخلان *** ونار البعد وفراقك تعل اقصى شراييني
انا ادريبك سراب ماتطفي لهفة الضميان *** تذكرتك عذاب ولو نسيتك منت ناسيني

ابي اعرف في غيابك ليه شوفي يمتلي دخان *** واحس اني لحالي واقرب اصحابي حواليني
حبيبي رحت عني وانت لاراضي ولازعلان *** ياليتك قلت لي قبل الفراق انك مخليني

رحت وغابت الفرحه ورى ليل من الحرمان *** ورجعت لصوتك اللي كان يملا الكون يدعيني
اثر نار الجفا صلفه دخيلك ياعظيم الشان *** انا ماعاد لي شوف على الفرقى يقديني

بعد فرقاك عشت الجرح عمر العاشق الشفقان *** على بباب العمر لامرلك طاري يبكيني
تعرف انك بقلبي وادري انك لشوفتي ولهان *** حبيبي ليه تقتل حبنا مادمت تغليني

تخفي لوعتك عني تصد وتبدي النسيان *** وتفضح نظرتك خافي حنينك لو تراعيني
حبيبي تعبت عيوني السهر من عاشق سهران *** تعبت وطال بعدك والعمر ماعاد يمديني

غرب ضي الامل قبل الشروق وسادت الاحزان *** دروب العمر تسرق فرحتي والحزن يطويني
انا مثل الغريق وطاري الذكرى كما الطوفان *** تزيد الجرح في قلبي وتبعدني وتدنيني

تعبت ومركبي مل السفر وضاقت به الشطآن *** ولالي غير حبك ساحل يمكن يرسيني
حصدت الدمع محصول الفراق ولوعة الهجران *** الا مني ذكرتك غرق كفوفي مطر عيني

سحابك يامشاش الملح مايفرح به العطشان *** اموت من الظما والا شربتك منت مجديني
ينابيعك تفجر من عيوني كنها بركان *** توطي عزتي تختال من جفني لكفيني

بعد ماغرق عمري فالحزن ضاقت بي البلدان *** وشفت الموت في كل الدروب وقلت انا ويني
انا مليت ..مليت العذاب وقلبي المليان *** بهم صاب من هجر الحبايب مقتل سنيني

يأست من الفرح في موسم فيه الامل كسلان *** رفعت الرايه البيظا لحزني وارتمى فيني
وعرفت اني بعد فوت الاوان (العاشق الخسران )*** ودريت ان اصدق وعود الهوا ماعاد ترويني

رجعت بحسرتي كلي جروح مكسر الجنحان *** وسـال الجرح دم وشفت وجـهــك في شـرايـيني...

[مغرزه بكعبها]

صح لسانك ( أثير الصمت )

ولا عدمنا جديدك

تقبلي مروري

اختك : غروزه

[آنــسـ قلـــق ــه]

يعطيــــــــــــــك الف عافيه

ولا عدمناك

[صمت الاثير]

المشاركة الأصلية كتبت بواسطة مغرزه بكعبها

صح لسانك ( أثير الصمت )

ولا عدمنا جديدك

تقبلي مروري

اختك : غروزه

صح بدن قايلها

والله يسلمك

[صمت الاثير]

المشاركة الأصلية كتبت بواسطة آنــسـ قلـــق ــه

يعطيــــــــــــــك الف عافيه

ولا عدمناك

يعطيك ربي كل اللي تمنينه

لاهنتي

[الـــشـــهـــد]

رجعت بحسرتي كلي جروح مكسر الجنحان *** وسـال الجرح دم وشفت وجـهــك في شـرايـيني...

صمت الأثير...

يسلمووو على هالرائعه اللى سطرتيها لنا..

الله يعطيك العافيه...

دمتي بود...

الـــشـــهـــد

[صمت الاثير]

المشاركة الأصلية كتبت بواسطة الـــشـــهـــد

صمت الأثير...

يسلمووو على هالرائعه اللى سطرتيها لنا..

الله يعطيك العافيه...

الشهد لك كل الود والتقدير

[الفجر البعيد]

المشاركة الأصلية كتبت بواسطة صمت الاثير

يأست من الفرح في موسم فيه الامل كسلان *** رفعت الرايه البيظا لحزني وارتمى فيني
وعرفت اني بعد فوت الاوان (العاشق الخسران )*** ودريت ان اصدق وعود الهوا ماعاد ترويني ...

من جد ابداع ياأثير قسم بالله دمعت عيني
يسلمووووووووو
تقبلي مروري يالغلا

[صمت الاثير]

المشاركة الأصلية كتبت بواسطة الفجر البعيد

من جد ابداع ياأثير قسم بالله دمعت عيني
يسلمووووووووو
تقبلي مروري يالغلا

لا دموعك غاليه الفجر البعيد

والابداع منك ينابيعه