أرجوك لا تغمض عيونك إذا نمت
لجل الذي يهوى عيونك يراها
خل الكلام الليّ بها يكسر الصمت
يضوي بها برقٍ لمع في سماها
خل النظر يروي ظمى خافقٍ شلت
بين الضلوع اللي ترامى عناها
الله أكبر قلتها فيك وآمنت
ربٍ عطاك عيون محدٍ خذاها
عيون حرٍ وسكنت في نظر بنت
يطرب لها ذاك الوحش ويتباها
إن أقبلت موتٍ وإذا ودعت مت
وش حيلتي بعيون موتٍ دواها
شفت العيون وليتني عاد ما شفت
ما نلت أنا غير العنى من وراها
يا من غزيت الروح بالوّد و أشعلت
نارٍ على نارٍ تزايد لظاها
هزّيت قلبي هز لجبال زلزت
وأودعت في روحي ركايز بلاها
يا زين زنت العين يلي بها زنت
سبحان من كمل حلاك بحلاها
أشفقت ع اللي تنظره عينك أشفقت
وأرثيت للي من خلق ما رآها
26-May-2008, 06:31 PM
مواضيع جديدة في قسم الشعر وأبيات القصيد 
العرض العادي
