سافري لابعد مكانٍ ان كان فعلاً تقدرينه
سافري ياأغلا فقيدة وانسي انواع العذاب
سافري ياول عذابي وقصة الحب الحزينه
اجعلي دربي شتات وذروة أحلامي سراب
كنت أحبك وانتي أغلا من سكن وسط المدينه
مابعد صدك صدود ولابعد عذرك عتاب
كنت قلبٍ في كيانك ماقدرتي تفهمينه
كنت دفتر في خيالك لاشتهى فكرك وطاب
كنت دمع وكنت ليلٍ وكنتي انتي تسهرينه
وكنت قلبٍ مايعاتب عن سبب سر الغياب
كنت انا نبع الحياه اللي بيدينك تشربينه
كنت انا باحسان ظنك ولابعد قلتي وخاب
كنت انا ورد بكفوفك وان بغيتي تقطفينه
تنثني أغصان قلبي وكل ورداتك تهاب
كنت لك غبة بحرك وكنتي انتي تسبحينه
زادت جروحي جروح وزودتني التهاب
ماغدرك الموج لكن !! كنتي أنتي تغدرينه
وماتحديتك وانا ادري راس مالي الانسحاب
كم جنيتي الحب مني قبل لانتي تزرعينه
كنتي تقريني سطور قبل تقريني كتاب
ارحلي يانور عيني وامتطي ظهرالسفينه
مايهم قلبي رحيلك دامك اشبه بالسراب
واتركيني قلب عاشق مالقا له عاشقينه
وحطمي مبنى العلاقه واسكني وسط السحاب
عاشقك موّت ضميره وجيتي انتي تطلبينه
مابعد موت الضمااير يابعد عمري حساب
لو دريتي عن غلاك وكنتي ثالث والدينه
مارخصتيني وبعتي قلب عاشق بالتراب
ابحترم ماضي نسيته واكتبه ذكرى ثمينه
واكتب التوقيع (عاشق ) مالقا درب الصواب
بوعدك يانور عيني قصتي تبقا سجينه
وارحلي مادام قلبي شال همك والعذاب
سافري باوراق شعري واحفظيها لك رهينه
واكتبي العنوان ( شاعر فارق احبابه وتاب)
سافري قبل النهاية حتى العزا لاتحضرينه
واكتبي ذكرى وفاتي ( مات في عز الشباب)
19-Jun-2008, 08:53 AM
موـوت ـالضمـآير 
مواضيع جديدة في قسم الشعر وأبيات القصيد 
العرض العادي
