اه يا قلبي منك تعبت ،، منك صارت حالي كسيفة ،،
تنجرح وتداوي ،، ينصونك هالبشر يبونك بحزة ضيق ،،
ما يهنا لك الا تشاركهم ،، ولا يطيب لك الا لا تبسمت شفاههم ،،
تداوي لهم قلوب عليلة ،، تنتظرهم لا منه اتعبك همك ،،
تناظرهم ،، تحتريهم ،، ويا للاسف يجرحونك ،،
مسكين يا قلبي جرحوك ،، رحلوا تبتسم وتتعذر لهم ،،
تذكرهم بخير ،، وتقول ما منعهم الا ظروفهم ،،
الى متى والحزن يعشقك ؟! ،، الى متى والالم ساكنك ؟! ،،
يا ترى وين الغلط ،، بي وبقلب من جفا الناس عليل ،،
ولا بزمان اختلط فيه كل شي ،، صار الحبيب مثل الغريب ،،
يا بشر ما طلبت الا وقفة بعز احتياجي ،، الا فزعة لا صارعتني دموعي ،،
طلبتك يا قلبي ،، لا يلمح غريمك شوق الحزن بعيوني ،،
ارجوك ،، لا تشمت بك عاذلينك ،، واسجن كل دمعك لا يفضحك ،،
ادري تداري خواطر ،، وخاطرك دوم مكسور ،، ما لقى من يداريه ،،
خل الالم بيني وبينك ارجوك ،، لا غفت عين الانام ،، اشكي لك واسمعك ترد بونينك ،،
ويهل دمع عيني ،، هو دمعي ولا دمعك ؟! ،،
ليت البكا يفيد ،، ليته يزيل حزني وهمي ،،
ارجوك قلبي ارفق بي ،، ما عاد احتمل ،، زاد جفا الناس لي ،، بلا ذنب وجنية ،،
تعب يا قلبي كل يوم ياخذك تفكير ،، تنظلم وتنسى ،، تنجرح وتكتم ،،
تشيل هم هالدنيا ومافيها ،، هم كل شخص تحبه ،، هم كل روح تعزها ،،
ولا ضاقت بك الليالي تنادي ،، وينهم ،، وين احباب قلبي ،، تلتفت ،،
تلقى نفسك بهالمدى وحيد ،، لا خوي ولا صديق ،،
ليت لي قلب قاسي جافي ،، لاجل انسى كل الجروح ،،
واضحك وابتسم ولا همي اكبر عذول ،،
للاسف امنيات عن مطمعي بعيدة ،،
الى متى وحالك مشقيني ،، الى متى ؟! هالسؤال ماكبر صداه ؟!
بس ادري ماله جواب ،، وادري ان قلبي يعشق درب الشقاوي ،،
ما يقوى يهجر عزيز ،، ولا يقدر يقفي عن صاحب نصاه ،،
مسكين يا قلبي تحسب هالقلوب تشبهك ،،
لا حسيت ان الخواطر ضايقة ،، تهون هالدنيا عليهم ،،
وتنساني وتذكر هالبشر ،،
لا ضحكت تدمع عيوني ،، ولا بكيت يبتسم قلبي ،،
قلب عشق حزنه ،، وهم يموت فيني ،،
الى متى والهم خلي ؟! ،،
والسبب شخص تخلى وانت بحزة الم ،،
تعبت يا قلبي من عنادك ،، انسى هالهموم يوم ،،
وعاند الحزن لاجلي ،، وانسى الالم لو ثواني ،،
وارحل عن الدنيا بعيد ،، واعتبر هالرحيل عنوان لجرح جديد
منقول
01-Jul-2008, 05:59 AM
قلب عنيد 
مواضيع جديدة في قسم الشعر وأبيات القصيد 
العرض العادي
