اذا سرح كنه يخطط على شيء بعيد وان ناظرك كنه يدلك طريق المقبره

/
\

\
/

اذابغيت اشوف اخر ماتوصله القصيد

اطلع الدفتر واناظر صورته وأصوره

واذا بغيت اكتب قصيده ارمي الصوره بعيد

اخاف لاشفته وشفت البيت جنبه احقره

ازيد ويزيد وازيدوكل مازدته يزيد

الين اشوف ان كل شعري مالمس منه شعره

اقوله يكفي خلاص يقول لي هل من مزيد

اقولها له اشكره ويقولها لي اشكره

اشقق الصفحه من الااحباط وابداء من جديد

واناظر بوجهه واقول العفو عند المقدره

اعزم واروح له يعني على بالي شديد

واروحله مادام ماعندي شيء اخسره

من دون معرفته احس الحب شيك بلا رصيد

وان حبني عز الله فداه السهر والمشوره

اللي لامنه حضر يلين الراس العنيد

واللي لامنه طلع للناس يعمل شوشره

اذا سرح كنه يخطط على شيء بعيد

وان ناظرك كنه يدلك طريق المقبره

أن كان ماله خلق لاعرفت بآسمك قال عيدّ

وإذا أشتهى حد جدّكـ التآسع عشر يتذكرهـ

اذا تواضع كنه يقهويك من حبل الوريد

وان شاف نفسه كن الاارض كلها في يده كره

ان قال كلمه قال مره لايمكن يعيد

ماهوب راعي فلسفه ولايداني الثرثره

من خف دمه كنه يعاني نقص في الحديد

كنه يقضي 24 ساعه غشمره

ان ضحك بين على ملامحك انك سعيد

كنه بيده فاتح فمك ولاهو مسكره

المشكله يدري باان حبه بوسط قلبي وحيد

بس المصيبه لاهو مقره ولاهو مستنكره

ان لمح ان حبه صعب بالمح ان حبي اكيد

وان قالها لي اشكره بااقولها لي اشكره

\

/
نــــوآف الدبل